انطلاقة جديدة ..!
السلام عليكم
ورحمة الله وبركاته
نقدر
نقول خطوة كنت مستنية أسويها من زمان ؟؟؟
أحيان
ياخد الموضوع في تنفيذ شي وقت طويل , وقت مرة طويل
مو بسبب
خوفنا , أو عدم ثقتنا في نجاحها
بسبب
نبغى نعملها في الوقت الصح بطريقة صح
ماينفع
نكون مشغولين جدا مثلا بدراستنا أو عقلنا في فترة تشويش
و نشتغل
على هدف لنا نبغاه يطلع بشكل متقن
أو بشكل
يليق بيه كونه هدف لنا ونعتبره إنجاز
..
"كان فتح
حساب في الانستقرام خطوة جدا كبيرة بالنسبة ليا"
دائما
قبل اقرأ أي كتاب كنت أحب أشوف آراء الناس عن الكتاب
لأعرف
يناسبني أو لا , وهل حقرأه أو حشوف غيره
"كون الكتاب يناسبني أو
لا موضوع طويل حناقشه معاكم بعدين إن شاءالله"
من دا
الباب صرت كل ما اقرأ كتاب أكتب رأيي عنه
صار
عندي مجموعة آراء وصرت أشارك صحباتي وقريباتي بيهم
جدا
ينبسطوا ويتفاعلوا وصاروا يقرأوا الكتب اللي أرشحها لهم
من هنا
جات فكرة الحساب
والحمدلله
لاقى استحسان كبير جدا
بس
ماكان كافي ليا , كون إني شخص أحب اكتب , و أعبر عن نفسي بالكتابة
..
المدونة
ماراح
تكون فقط عن آرائي عن الكتب , حتكون كمان عن كتابات ليا
حنتناقش
فيها سوا , حنوسع مدارك عقولنا من خلالها
..
بُعدي عن حساب
الانستقرام كان بسبب إني ماكنت راضية عن التفاعل فيه ,
وعن انشغالي بدراستي ,
وعن كنت أبغى أعرف إيش
الخطوة الجاية
,
طيب فتحت حساب وأنزل
رأيي فيه عن الكتب وبعدين ؟
إيش الخطوة الجاية ؟
إيش الإضافة الجديدة اللي تفيدني وتفيدكم ؟
المدونة مو هي الشي
الوحيد اللي قررت أعمله , لكن كان أول شي حبيت ابدأ فيه ,
ومن بعده حبدأ باقي
الخطوات بإذن الله
..
خطوة جدا كبيرة بالنسبة ليا , وبيكم و بدعمكم حنجح بإذن الله
❤❤
بداية
خير يارب
و يوم
جميل عليكم 💕
ليست هناك تعليقات:
إرسال تعليق